Procedemento elaborado en 2021
A administración de medicamentos por vía intranasal baséase en que a mucosa nasal é rica en capilares sanguíneos e permite o paso do fármaco de forma fácil e rápida á circulación sistémica. A mucosa nasal, que está moi vascularizada, e o tecido olfactorio, que está en contacto directo co sistema central, permiten que a medicación administrada se transporte rapidamente ao cerebro e ao torrente circulatorio, con comezos de acción similares aos da terapia intravenosa. Tamén se evita o efecto de primeiro paso hepático, o que contribúe a unha maior biodispoñibilidade da medicación. Esta vía é de fácil acceso, barata e non require técnica estéril nin cruenta.
A absorción do medicamento pódese ver afectada pola presenza de moco ou de sangue que actúen de barreira ou por situacións nas que varíe a perfusión da mucosa nasal (rinoplastias, neoplasias, malformacións, patoloxías intranasais…), nas que o uso desta vía pode estar contraindicado.
A finalidade deste procedemento é elaborar un documento que sirva de guía para os profesionais sanitarios no que respecta á administración de fármacos por vía nasal, de modo que se reduza a variabilidade clínica, se incorporen as mellores prácticas na actividade asistencial e se garanta unha administración eficaz e segura.
Tes mais información sobre o procedemento nos distintos apartados da información asociada.
AUTORES:
Campos Chan Lidia. Enfermeira. Supervisora de Procesos de Xestión. Área Sanitaria de Pontevedra e O Salnés.
Esperón Güimil José Antonio. Enfermeiro. Subdirector do Hospital Provincial e Montecelo. Área Sanitaria de Pontevedra e O Salnés.
Argibay Cochón Carlos. Enfermeiro. Subdirector do Hospital do Salnés. Área Sanitaria de Pontevedra e O Salnés.
Bas Méndez Montserrat. Enfermeira. Supervisora Xeral do Hospital Provincial de Pontevedra. Área Sanitaria de Pontevedra e O Salnés.
Recamán Lagos José Manuel. Enfermeiro. Centro de Saúde de Meaño. Área Sanitaria de Pontevedra e O Salnés.
Rosendo Fernández José Manuel. Enfermeiro. Supervisor de Procesos de Coidados de Enfermería. Área Sanitaria de Pontevedra e O Salnés.
Sánchez Radío Silvia. Enfermeira. Supervisora de Docencia e Formación Continuada. Área Sanitaria de Pontevedra e O Salnés.
REVISORES:
Aneiros Castro Mónica María. Enfermeira. Área Sanitaria de Ferrol.
Rumbo Prieto José María. Enfermeiro. Área Sanitaria de Ferrol.
Lage Rial Francisco Javier. Técnico Coidados Auxiliares de Enfermería. Área Sanitaria de Ferrol.
Pita Miño Pedro. Enfermeiro. Área Sanitaria de Ferrol.
Begoña Fariñas Lorenzo. Enfermeira. Área Sanitaria de Vigo.